Golygu a Chyflwyno eich cerddi gyda Golygyddion Seren

Llu 28 Gorffennaf 2025 - Gwe 1 Awst 2025

Tiwtoriaid / Zoë Brigley & Rhian Edwards

Darllenydd Gwadd / Bethany Handley (Digidol)

Ffi’r Cwrs / O £ y pen

Genre / Barddoniaeth

Iaith / Saesneg

Ymunwch â ni am wythnos adeiladol, addysgiadol ac ysgogol o ysgrifennu a golygu barddoniaeth gyda’r beirdd arobryn a chyd-olygyddion barddoniaeth y wasg Seren Books, Zoë Brigley a Rhian Edwards.

Mae golygu a chyflwyno cerddi yn arferiad nid yn unig ar gyfer beirdd newydd, ond i awduron profiadol sydd ar ganol eu gyrfa hefyd. Mae gan olygyddion barddoniaeth Seren, Zoë a Rhian, brofiad helaeth o weithio gyda beirdd ar bob cam o’u gyrfaoedd, felly p’un ai’ch bod chi’n gobeithio cyhoeddi’ch casgliad cyntaf neu’n gweithio ar yr ail (neu’r trydydd) llyfr barddoniaeth, fe gewch gefnogaeth a chyngor amhrisiadwy ar y cwrs hwn.

Yn ystod yr wythnos, bydd Zoë a Rhian yn cynnal gweithdai grŵp ar olygu cerddi rydych chi eisoes wedi’u hysgrifennu, gan gynnig cyngor hefyd ar ddulliau golygu. Bydd yna gyfle iddynt eich helpu i guradu eich barddoniaeth yn gasgliadau a phamffledi, a byddant wrth law i gynnig awgrymiadau a chyngor ar y ffordd orau o gyflwyno eich gwaith i gylchgronau a chyhoeddwyr i’w hystyried. Bydd tiwtorial un-i-un gyda Zoë a Rhian yn cael ei gynnig i bob mynychwr a byddwch yn cael eich gwahodd i anfon sampl o’ch cerddi at y golygyddion cyn y cwrs er mwyn derbyn adborth arnynt.

Bwrsariaethau

Mae un ysgoloriaeth gwerth £150 ar gael ar gyfer y cwrs hwn. I ymgeisio, cwblhewch y ffurflen gais yma.

Dyddiad cau ar gyfer ceisiadau: 28 Mai 2025.

Am ragor o wybodaeth ynglŷn â’r gefnogaeth sydd ar gael, ewch i’n tudalen Cymorth Ariannol: https://www.tynewydd.cymru/cyrsiau-ac-encilion/cymorth-ariannol/

Tiwtoriaid

Zoë Brigley

Cymraes Americanaidd yw Zoë Brigley, sy'n gweithio fel Darlithydd Cynorthwyol ym Mhrifysgol Talaith Ohio. Mae'n awdur llwyddiannus a enillodd Wobr Eric Gregory ar gyfer y beirdd gorau o dan 30 oed ym Mhrydain, ac fe gyrhaeddodd y rhestr hir yng Ngwobr Dylan Thomas. Zoë ydy golygydd Poetry Wales ac mae’n Olygydd Barddoniaeth Seren Books ar y cyd â Rhian Edwards. Mae ganddi dair cyfrol yn argymelliadau’r Poetry Book Society: The Secret (2007), Conquest (2012), a Hand & Skull (2019), i gyd wedi'u cyhoeddi gan Bloodaxe. Mae ei llyfrau barddoniaeth yn cynnwys Aubade After a French Movie (Broken Sleep, 2020) ac Into Eros (Verve Publishing, 2021), ac mae ei gwaith ffeithiol yn cynnwys Notes from a Swing State (Parthian Books, 2020) ac Otherworlds: Writing on Nature and Magic (Broken Sleep, 2021). Yn 2021, cyd-olygodd Zoë 100 Poems to Save the Earth (Seren) gyda Kristian Evans, ac mae hefyd yn olygydd cylchgrawn Modron, gan ysgrifennu am yr argyfwng ecolegol.

Rhian Edwards

Mae Rhian Edwards yn awdur a golygydd barddoniaeth gyda gwasg Seren, ac mae hi wedi ennill sawl gwobr am ei gwaith. Enillodd ei chasgliad cyntaf Clueless Dogs (Seren, 2012) Wobr Llyfr y Flwyddyn yn 2013 ac fe gyrhaeddodd y rhestr fer ar gyfer Gwobr Forward am y Casgliad Cyntaf Gorau 2012. Enillodd Rhian Wobr John Tripp am Farddoniaeth Lafar hefyd, gan ennill gwobr y Beirniaid a’r Gynulleidfa. Roedd ail gasgliad Rhian, The Estate Agent’s Daughter (Seren, 2020), yn Argymhelliad Darllen ar gyfer Diwrnod Barddoniaeth Cenedlaethol 2020. Mae ei cherddi wedi ymddangos yn y Guardian, Times Literary Supplement, Poetry Review, New Statesman, Spectator, Poetry London, Poetry Wales, Arete, London Magazine, Stand a Planet.

Darllenydd Gwadd

Bethany Handley (Digidol)

Mae Bethany Handley yn awdur, bardd ac actifydd anabledd sydd wedi ennill gwobrau. Mae hi’n ymgyrchu dros hawliau pobl anabl ac am well mynediad i fyd natur i bawb, yn enwedig i bobl anabl. Mae ei gwaith wedi’i gyhoeddi gan POETRY, Poetry Wales a Country Living, a’i gynnwys gan y Poetry Foundation, BBC Radio 4 a BBC Wales, ymhlith eraill. Roedd Bethany yn un o’r awduron ar raglen Cynrychioli Cymru Llenyddiaeth Cymru 2023-24, cyrhaeddodd rownd derfynol Primers Nine Arches Press, a dyfarnwyd Gwobr Aur Creative Future iddi am Ysgrifennu Ffeithiol Greadigol yn 2023.

Mae Bethany yn Llysgennad ar gyfer ymgyrch Mynediad i Bawb Country Living, Cerddwyr Cymru a Llwybr Arfordir Cymru. Mae hi’n cyd-olygu’r flodeugerdd ddwyieithog gyntaf o awduron Byddar ac Anabl Cymreig a fydd yn cael ei chyhoeddi gan Lucent Dreaming ym mis Ionawr 2025 a bydd ei phamffled barddoniaeth gyntaf yn cael ei chyhoeddi gan Seren ym mis Chwefror 2025. Mae Bethany ar hyn o bryd yn gweithio ar ei llyfr ffeithiol cyntaf ar fynediad i natur.

Talu â siec?

Pe hoffech dalu â siec, defnyddiwch y ffurflen archebu arlein a dewis ‘Talu â Siec’ yn yr opsiynau talu.

Beth ddyliwn i ddisgwyl?

Am wybodaeth ymarferol o’r hyn sydd yn digwydd yn ystod cwrs neu encil yn Nhŷ Newydd, beth am ddarllen ein rhestr o gwestiynau cyffredin?

Cliciwch yma i bori’r cwestiynau cyffredin

Angen Cymorth?

Os oes gennych unrhyw gwestiynau neu os ydych yn cael problem archebu arlein, rhowch alwad ffôn…