Darllenwch ein Cwestiynau Cyffredin isod os gwelwch yn dda.
Os oes gennych unrhyw gwestiynau pellach, croeso i chi gysylltu â ni ar 01766 522 811 neu e-bostio tynewydd@llenyddiaethcymru.org
Mae Llenyddiaeth Cymru wedi paratoi yn drwyadl ar gyfer eich arhosiad, a gallwch wneud cais i gael gweld yr Asesiad Risg yn ei gyfanrwydd.
Glanhau: Bydd y bwthyn wedi ei lanhau yn drwyadl cyn eich ymweliad, a’r dillad gwelyau wedi eu golchi gan gwmni proffesiynol. Rydym wedi rhoi i gadw nifer o glustogau a blancedi i leihau eitemau ac arwynebeddau diangen. Rydym hefyd wedi bod yn agor y ffenestri cymaint â sydd yn bosib, i annog llif a chylchrediad awyr iach drwy’r bwthyn.
Mae hylif diheintio dwylo a sebon dwylo wedi ei brynu i chi ei ddefnyddio, a gofynnwn yn garedig i chi ddiheintio eich dwylo wrth ddod i mewn i’r bwthyn ac i olchi eich dwylo yn aml. Helpwch eich hun i’r menyg a’r masgiau un defnydd sydd hefyd wedi eu prynu ar gyfer gwesteion, er ein bod yn gofyn i chi fod yn ymwybodol o’r amgylchedd cyn eu defnyddio. Gofynnwn yn garedig i chi adael yr hylif diheintio dwylo i’n gwesteion nesaf. Bydd aelodau staff, os fydd rhai ar y safle, yn gwisgo mygydau wyneb.
Rydym yn dilyn cyngor swyddogol â llygaid barcud ac yn dilyn unrhyw gyhoeddiadau swyddogol gan yr awdurdod lleol a Llywodraeth Cymru ynglŷn â’r coronafeirws. Byddwn yn cysylltu â chi os oes angen i chi gael gwybod am unrhyw beth newydd. Rydym hefyd yn gweithredu system olrhain a diogelu (track and trace). Peidiwch anghofio rhoi gwybod i ni os y byddwch yn mynd yn sâl gyda’r firws o fewn pythefnos ar ôl eich arhosiad. Bydd taflenni gwybodaeth ar gael yn y ganolfan i atgoffa ymwelwyr o’r symptomau, ac yn rhoi cyfarwyddiadau am beth y dylech chi ei wneud os fyddwch yn mynd yn sâl yn ystod eich arhosiad.
Gan bod Nant ar ben ei hun, gallwch gyrraedd heb unrhyw gyswllt gydag aelod o staff. Byddwn yn rhoi gwybod i chi o flaen llaw beth yw’r cod ar gyfer y blwch cadw allweddi.
Gwnewch yn siŵr eich bod yn iach cyn eich ymweliad, yn dangos dim symptom o’r coronafeirws nag wedi bod mewn cyswllt ag unrhyw un sydd â’r feirws neu sy’n dangos symptomau. Annogwn chi i geisio hunan ynysu neu ymbellhau yn gymdeithasol cymaint â phosib cyn eich ymweliad i Dŷ Newydd i leihau risg.
I warchod ein ymwelwyr a’n cymdogion, gofynnwn yn garedig i chi ymweld ag unrhyw fannau lleol gyda’r gofal mwyaf un – yn enwedig wrth ymweld â mannau dan do. Ystyriwch wisgo mwgwd wyneb wrth fynd o fan i fan: a chofiwch eu bod yn gwbl orfodol mewn siopau, caffis a thafarndai.
Diheintiwch a golchwch eich dwylo yn gyson, a chofiwch aros ddwy fedr i ffwrdd o eraill.
Awgrymwn eich bod yn darllen canllawiau Croeso Cymru, ac yn arwyddo eu Haddewid i ymweld â Chymru yn ddiogel.
Prif symptomau COVID-19 yw:
Os y byddwch yn datblygu un o’r symptomau uchod:
Mae hyn i chi benderfynu arno’n bersonol. Mae pawb mewn risg o ddal COVID-19, ond mae rhai pobl yn fwy tebygol nag eraill o ddatblygu salwch difrifol o’i ddal.
Mae’r dudalen gwestiynau cyffredin hon yn amlinellu’r camau sydd wedi eu cymryd gennym i leihau’r risg o drosglwyddo’r feirws yn Nhŷ Newydd, ond ni allwn ni addo y bydd ein gwesteion oll yn gwbl ddiogel.
Mae croeso i chi gysylltu am sgwrs i drafod eich pryderon neu i ofyn am fwy o fanylion.
Gallwch gyrraedd unrhyw bryd ar ôl 3.00 pm, a gofynnwn yn garedig i chi adael erbyn 10.00 am.
Oes, mae gofod parcio union tu allan i’r bwthyn.
Er ein bod yn argymell eich bod yn cyrraedd rhwng 2.30 pm – 5.00 pm er mwyn i aelod o staff gael eich tywys o amgylch y bwthyn a’r cyfleusterau (er, noder ein bod yn parhau i weithio o adref ar hyn o bryd), mae gennym flwch allwedd ar gyfer gwestion sy’n cyrraedd yn hwyr. Gofynnwn i chi roi gwybod i ni o flaen llaw faint o’r gloch y byddwch yn cyrraedd.
Gallwch. Mae modd cyrraedd Tŷ Newydd ar drên neu ar fws. Gallwch ddarllen mwy am ein lleoliad a sut i’n cyrraedd yma. Holwch ni am opsiynau teithio wrth archebu eich encil.
Oes, mae Wi-Fi ar gael yn y bwthyn.
Oes.
Bydd un tywel bath mawr, ag un tywel dwylo ar gyfer pob gwestai. Dewch â’ch cynnyrch ymolchi eich hun, neu fe allwch weld beth sydd ar gael yn siop fechan Tŷ Newydd.
Bydd, ond os ydych yn anghofio unrhyw beth, peidiwch oedi ein holi yn y swyddfa.
Na. Ond mae cyfleusterau argraffu a chopïo ar gael yn y Ganolfan yn ystod oriau swyddfa am ffi fechan.
Nag oes, dim ond cawod cerdded i mewn fawr.
Dim yn y bwthyn ei hun, ond mae croeso i chi ddefnyddio peiriant golchi dillad y Ganolfan sydd dri drws i lawr o ddrws Nant. Holwch aelodau o staff am fanylion.
Nag oes, a gall signal ffôn fod ychydig yn ysbeidiol ar y safle ar adegau. Mae Wi-Fi ar gael yn y tŷ.
Dim ond cŵn tywys gaiff ddod gyda chi i Nant.
Na, encilion hunan-arlwyo ydynt. Mae yno gegin fawr gyda phopty, microdon, tostiwr a thegell, yn ogystal â the, coffi a siwgr. Bydd hamper groeso, yn cynnwys llaeth, bara a chacennau cri yn aros amdanoch.
Mae rhewgell fechan ar dop yr oergell. Ond os oes gennych lot o eitemau sydd angen eu rhewi, cysylltwch â ni o flaen llaw i wneud yn siŵr fod digon o le yn rhewgell y Ganolfan ei hun.
Mae sawl siop fechan yng Nghricieth (2 filltir) yn cynnwys becws, siop gig, deli a Spar, ac mae archfarchnadoedd mwy ym Mhorthmadog sydd ond 10 munud mewn car. Mae sawl archfarchnad hefyd yn cludo archebion i Dŷ Newydd.
Yn ystod cyrsiau preswyl yng Nghanolfan Ysgrifennu Tŷ Newydd, gall arlwyo fod ar gael am ffi fechan ychwanegol. Cysylltwch â ni i drafod hyn ymhellach.
Yn anffodus, oherwydd oedran y bwthyn a’r ffaith ei fod yn adeilad rhestredig Gradd II*, nid oedd modd addasu strwythur yr adeilad yn ystod y gwaith adnewyddu i sicrhau ei fod yn hygyrch. Mae tair gris yn arwain i’r drws blaen, a grisiau cul yn arwain i’r ystafelloedd gwelyau a’r ystafell ymolchi.
Fodd bynnag mae gennym ddwy ystafell hygyrch yng Nghanolfan Ysgrifennu Tŷ Newydd all gael eu defnyddio ar gyfer encilion arlwyedig yn ystod cyrsiau. Cysylltwch â ni am fwy o wybodaeth.
Ydym. Mae gennym gronfa fechan er mwyn lleihau’r gost. Cysylltwch am fwy o wybodaeth.
Na, ni fydd y tŷ yn cael ei lanhau yn ystod eich arhosiad. Ond cysylltwch â ni i holi, ac fe allwn ni drefnu gwasanaeth glanhau ar gyfer eich arhosiad am ffi fechan.
Mae hyn yn dibynnu ar beth sy’n digwydd yn Nhŷ Newydd yn ystod eich arhosiad. Ni fydd modd defnyddio’r gerddi yn ystod cyrsiau ysgolion, neu yn ystod huriadau preifat yn Nhŷ Newydd. Bydd aelod o staff yn rhoi gwybod i chi pan fyddwch yn archebu, neu pan fyddwch chi yma, os oes modd defnyddio’r ardd.
Mae hyn yn dibynnu ar beth sy’n digwydd yn y Ganolfan yn ystod eich arhosiad. Ni fydd y prif dŷ ar gael i’w ddefnyddio yn ystod cyrsiau ysgolion, neu yn ystod huriadau preifat yn Nhŷ Newydd. Bydd aelod o staff yn rhoi gwybod i chi pan fyddwch yn archebu, neu pan fyddwch chi yma, os oes modd cael mynediad i’r tŷ.
Bydd aelodau staff yn y Ganolfan ar ddiwrnodau’r wythnos rhwng 9.00 am – 5.30 pm, heblaw am Wyliau’r Banc. Bydd rhif ffôn argyfwng ar gyfer aelod o staff ar gael i chi yn ystod eich arhosiad.
Am wybodaeth am ad-daliadau a chansladau, darllenwch ein telerau ag amodau archebu.
Gallwch gerdded i lan y môr o Nant mewn oddeutu 25 munud. Gall staff ddarparu mapiau a gwybodaeth am deithiau ac atyniadau lleol.
Mae’r siopau agosaf yng Nghricieth, taith 30 munud ar droed neu 5 munud yn y car. Yno, fe welwch fecws, siop gig, deli a Spar, yn ogystal â sawl caffi a thafarn. Mae Cricieth yn dref fechan ond bywiog ar lan y môr. Am archfarchnad, bydd raid teithio i Borthmadog (5 milltir).
Mae digon o fwytai a thafarndai yng Nghricieth sydd ar agor drwy’r flwyddyn. Gallwch gerdded yno o fewn 30 munud.
