Awdur, golygydd a chynhyrchydd creadigol o Fro Morgannwg yw Kathryn Tann. Mae wedi gweithio gyda chyhoeddwyr annibynnol fel Parthian Books ac fel cynhyrchydd rhaglenni ar gyfer New Writing North. Mae wedi ennill gwobrau Rising Star gan The Bookseller a’r Elusen Argraffu. Mae gwaith Kathryn ei hun wedi ei gyhoeddi a’i ganmol yn helaeth, gan gynnwys casgliad o ysgrifau, Seaglass, gyda Llyfrau Calon ym mis Mai 2024 ac erthyglau ar gyfer papurau newydd fel The Guardian, The Scotsman a The Bookseller. Roedd ei hysgrif, ‘Return to Water’, yn enillydd un o’r categorïau yng ngwobrau’r New Welsh Writing Awards yn 2021. Mae Kathryn yn arwain ar waith ffeithiol greadigol, ac yn rheoli partneriaethau, rhaglenni, strategaeth a nawdd.
Encil Folding Rock: ysgrifennu ar gyfer cyhoeddiadau
Llu 9 Tachwedd 2026 - Gwe 13 Tachwedd 2026
Tiwtoriaid
/ Kathryn Tann & Robert Harries
Darllenwyr Gwadd
/ Liam Harrison (Digidol) & Rachel Ashenden (Digidol)
Ffi’r Cwrs
/
O
£
y pen
Genres
/ aml-genreFfeithiolFfuglen
Iaith
/ Saesneg
Ar yr encil yma, byddwn yn ymuno â golygyddion sefydlu Folding Rock, cylchgrawn llenyddol a sefdlwyd yn 2024 i helpu roi Cymru ac ysgrifennu o Gymru ar y map. Bydd y gweithdai’n canolbwyntio ar greu darnau byrion a cryno a gafaelgar o waith ffuglennol a ffeithiol greadigol fydd yn addas ar gyfer cylchgronau. Bydd y tiwtoriaid yn codi cwr y llen cylchgrawn Folding Rock, ac yn rhoi arweiniad ar olygu, paratoi a chyflwyno’ch gwaith i’w ystryied, yn ogystal â datblygu portffolio o waith a fydd yn denu sylw.
Byddwn yn trafod y broses gymhleth o gyflwyno eich gwaith i wasg i helpu chi lwyddo’n y dyfodol tra hefyd yn trafod sut i ddygymod â’r profiad o’ch gwaith yn cael ei wrthod a’r ffyrddysgogi eich hun i fwrw ymlaen gyda’r gwaith.
Mi fydd sesiynau un-i-un yn cael eu cynnal yn ystod yr wythnos a, mewn grŵp, byddwch yn cyfrannu at un o ‘gyfarfodydd golygyddol’ Folding Rock, i drafod syniadau am gynnwys, themâu, ac i gyfrannu eich persbectif chi fel awdur i’r cylchgrawn, wrth i chi ymgyfarwyddo eich hun gyda byd cylchgronau llenyddol.
Bydd cynrychiolwyr o rai o’r cyhoeddiadau cyffrous eraill yng ngwledydd Prydain, Iwerddon a’r tu hwnt o bosib, yn ymuno â ni ar-lein yn ystod yr wythnos.
Tiwtoriaid
Kathryn Tann
Robert Harries
Golygydd a dylunydd o Abertawe yw Robert Harries. Mewn cyfnod o ddegawd a mwy ym myd cyhoeddi, mae wedi gweithio'n fewnol ac ar ei liwt ei hun i sawl tŷ cyhoeddi yn Llundain ac un o weisg annibynnol mwyaf nodedig Cymru, Parthian Books, cyn sefydlu Folding Rock ar y cyd â’r awdur Kathryn Tann yn 2024. Yn ystod ei yrfa, mae Rob wedi golygu teitlau gan ystod eang o awduron, gan gynnwys Sophie Mackintosh, Joe Dunthorne, Anthony Shapland, Stevie Davies, Max Boyce, Richard Zimler a Joshua Jones, a gyrhaeddodd rhestr fer Gwobr Dylan Thomas 2024. Mae Rob yn arwain ar ffuglen i Folding Rock, yn ogystal â rheoli'r gwaith dosbarthu, cynhyrchu, adylunio.
Darllenwyr Gwadd
Liam Harrison (Digidol)
Mae Liam Harrison yn olygydd, awdur ac academydd o Fryste. Mae'n un o olygyddion sefydlol y cylchgrawn llenyddol Tolka ac yn uwch-ddarlithydd mewn ysgrifennu creadigol ym Mhrifysgol Gorllewin Lloegr. Mae ei waith ysgrifenedig wedi ymddangos yn The Stinging Fly, The Irish Times a The Dublin Review.
Rachel Ashenden (Digidol)
Mae Rachel Ashenden yn awdur, newyddiadurwraig celfyddydol a golygydd sy’n byw yng Nghaeredin. Gellir ddod o hyd i’w hysgrifennu yn Extra Teeth, ArtReview a Plaster, ymhlith cyhoeddiadau eraill. Yn ogystal â’i rolau golygyddol gyda The Skinny ac Art UK, Rachel yw Pennaeth Golygyddol Gutter.