Cwrs Undydd: Y grefft o gyfieithu creadigol

Sad 8 Mai 2027
Tiwtor / Megan Angharad Hunter
Ffi’r Cwrs / O £ y pen
Genres / aml-genreFfeithiolFfuglen
Iaith / Cymraeg

Beth sy’n digwydd pan fydd stori, llais neu gymeriad yn teithio o un iaith i’r llall? Ar y cwrs hwn, byddwch yn archwilio’r grefft o gyfieithu llenyddiaeth o’r Gymraeg i’r Saesneg, gan ystyried sut y gallwn drosglwyddo llais, cymeriad, naws ac ystyr heb golli’r hyn sy’n gwneud y gwreiddiol yn unigryw.

Gan dynnu ar brofiad y tiwtor, Megan Angharad Hunter o gyfieithu ei chyfrol tu ôl i’r awyr (Y Lolfa, 2020) i’r Saesneg, byddwch yn edrych ar rai o’r heriau a’r cyfleoedd sy’n codi wrth i waith creadigol symud rhwng ieithoedd. Pa mor llythrennol y dylai cyfieithiad fod? Sut mae cadw llais unigryw awdur? A beth sy’n digwydd i dafodiaith, rhythm a hiwmor pan fyddant yn croesi ffin ieithyddol? Byddwch hefyd yn ystyried sut mae diwylliant yn teithio drwy gyfieithiad, ac yn trafod arwyddocâd gwleidyddol y gwaith o ddod â llenyddiaeth Gymraeg at ddarllenwyr newydd.

Byddwch hefyd yn ystyried ar y gwahaniaethau rhwng byd cyhoeddi Cymraeg a Saesneg, a sut gall y gwahaniaethau hynny ddylanwadu ar y penderfyniadau a wnewch fel cyfieithwyr ac awduron.

Nid proses fecanyddol yw cyfieithu creadigol, ond crefft gelfyddydol sy’n gofyn am ofal, dychymyg a chlust dda am iaith. Drwy gyfres o dasgau, gweithdai a thrafodaethau, bydd cyfle i arbrofi, dadansoddi enghreifftiau a meddwl am sut gall cyfieithu greu cysylltiadau rhwng ieithoedd, diwylliannau a darllenwyr.

Bydd te, coffi a byrbrydau ar gael drwy’r dydd, a gweinir cinio ysgafn i bawb fel rhan o bris y cwrs. Os yn teithio o bell, neu awydd aros dros nos, holwch ni am bris llety neu cymrwch gip ar ein Bwthyn Encil Awduron, Nant.

Gyda diolch i Gronfa Cefnogi Celfyddydau Gwynedd 2027-28 am gefnogi’r cyrsiau hyn yn Nhŷ Newydd.

Tiwtor

Megan Angharad Hunter

Mae Megan Angharad Hunter yn awdur, sgriptiwr a golygydd o Benygroes, Dyffryn Nantlle ond mae bellach yn byw yng Nghaerdydd. Yn ystod ei hail flwyddyn yn astudio Cymraeg ac Athroniaeth yn y brifysgol, enillodd ei nofel gyntaf, tu ôl i'r awyr (Y Lolfa, 2020), wobr Llyfr y Flwyddyn yn 2021. Yn 2026, cyhoeddwyd addasiad Saesneg o'r nofel o'r enw behind the sky gan wasg Firefly. Mae hi hefyd wedi ennill gwobr Tir na n-Og, gwobr Iris am ffilm fer, ac yn 2026 cyrhaeddodd restrau byrion y British Book Awards a'r YA Book Prize am brosiectau cydweithiol. Megan ydi Swyddog Llenyddiaeth elusen Celfyddydau Anabledd Cymru.  

 

 

Talu â siec?

Pe hoffech dalu â siec, defnyddiwch y ffurflen archebu arlein a dewis ‘Talu â Siec’ yn yr opsiynau talu.

Beth ddyliwn i ddisgwyl?

Am wybodaeth ymarferol o’r hyn sydd yn digwydd yn ystod cwrs neu encil yn Nhŷ Newydd, beth am ddarllen ein rhestr o gwestiynau cyffredin?

Angen Cymorth?

Os oes gennych unrhyw gwestiynau neu os ydych yn cael problem archebu arlein, rhowch alwad ffôn…

+44 (0) 1766 522 811