Encil Di-diwtor yr Haf

Llu 23 Awst 2027 - Gwe 27 Awst 2027
Ffi’r Cwrs / O £ y pen
Genre / aml-genre
Iaith / CymraegDwyieithogSaesneg

Ydych chi’n chwilio am ddihangfa rhag prysurdeb bywyd bob dydd; yn chwilio am loches greadigol mewn lleoliad heddychlon lle gallwch chi orffen eich gwaith ysgrifennu neu gymryd amser i ddarllen a myfyrio? Mae encilion Tŷ Newydd, yn ardal odidog Llanystumdwy rhwng môr a mynydd, yn cynnig y ddihangfa greadigol berffaith.

Bydd cyfle i grwydro llonyddwch y coed sydd o’n cwmpas neu i alw yn nhafarn y pentref am wydraid o gwrw lleol. Gallwch adael i’r golygfeydd syfrdanol dros Fae Ceredigion eich ysbrydoli, rhannu syniadau dros swper, neu swatio ac ymlacio yn llyfrgell glyd Tŷ Newydd. Bydd gan bawb ystafell eu hunain, a bydd prydau cartref, wedi’u gwneud gyda chynhwysion lleol gan ein cogydd preswyl profiadol, yn cael eu paratoi ar eich cyfer.

 

Mae’r encil yma’n rhan o’n cyfres o encilion tymhorol di-diwtor a gynhelir yng ngwanwyn, haf a hydref 2027.

Bydd awduron sy’n archebu lle ar un encil di-diwtor yn derbyn gostyngiad 20% dros ebost i’w ddefnyddio tuag at encil ddi-diwtor arall o fewn yr un flwyddyn.

Talu â siec?

Pe hoffech dalu â siec, defnyddiwch y ffurflen archebu arlein a dewis ‘Talu â Siec’ yn yr opsiynau talu.

Beth ddyliwn i ddisgwyl?

Am wybodaeth ymarferol o’r hyn sydd yn digwydd yn ystod cwrs neu encil yn Nhŷ Newydd, beth am ddarllen ein rhestr o gwestiynau cyffredin?

Angen Cymorth?

Os oes gennych unrhyw gwestiynau neu os ydych yn cael problem archebu arlein, rhowch alwad ffôn…

+44 (0) 1766 522 811