Ysgrifennu â Thyndra

Beth sy’n gwneud stori’n amhosib ei rhoi i lawr? Tyndra. Y teimlad bendigedig yna o ddisgwyl, anesmwythyd, neu ddyheu sy’n golygu bod rhaid troi’r dudalen, dal ein gwynt, neu ddal ati i ddarllen am ddau o’r gloch y bore er bod angen codi drannoeth. Gall fod yn risg uchel, yn risg isel, yn ddirgel neu’n amlwg, ond mae tyndra’n gyrru naratif, yn dyfnhau perthnasoedd y cymeriadau, ac yn creu gwefr rhwng yr awdur a’r darllenydd.

Dyma gwrs wythnos lle byddwn yn archwilio sut mae tyndra yn gweithio ar draws strwythur, cymeriad, deialog a iaith, gan dynnu ar ryddiaith, barddoniaeth a dramâu i ddatgelu’r technegau sy’n creu straeon gafaelgar. P’un a ydych chi’n ysgrifennu rhamant sy’n araf ffrwtian, drama seicolegol, neu ffuglen lenyddol yn llawn mudandod a chyfrinachau, tyndra ydy’ch offeryn mwyaf grymus. Byddwn yn darllen dyfyniadau byr a bachog gan awduron eraill, ac yn eu defnyddio fel man cychwyn ar gyfer ein gwaith ysgrifennu ein hunain. Byddwch chi’n cymryd rhan mewn ymarferion cynhyrchiol, trafodaethau grŵp, a sesiynau adborth fydd â’r nod o hogi’ch greddf ac ymestyn eich sgiliau.

Mae’r cwrs yma ar agor i awduron o bob lefel a genre.