Bu Daniel Morden yn adrodd straeon traddodiadol ers 1989. Mae wedi rhannu chwedlau ym mhedwar ban byd, o’r Arctig i’r Môr Tawel i’r Caribî. Mae’n enwog am ei gyflwyniadau gloyw o chwedlau Groeg, ac am ei angerdd wrth berfformio straeon Cymru. Mae’n awdur sawl cyfrol o straeon gwerin, gan gynnwys Dark Tales from the Woods (Gomer, 2006) a enillodd Wobr Tir na n-Og. Yn 2017 enillodd Fedal Gŵyl y Gelli am adrodd straeon.
Cwrs Chwedleua
Llu 17 Mehefin 2024 - Gwe 21 Mehefin 2024
Tiwtoriaid
/ Daniel Morden & Phil Okwedy
Ffi’r Cwrs
/
O
£675 - £
y pen
Genres
/ Adrodd StraeonPerfformio
Iaith
/ Saesneg
Mae mythau a chwedlau ers talwm yn ddathliad o drosiadau, delweddaeth fyw, iaith, a chymuned ac yn parhau i ysbrydoli beirdd, artistiaid, awduron a dramodwyr heddiw. Yn ystod y cwrs canolradd hwn, bydd y tiwtoriaid a’r storïwyr profiadol, Daniel Morden a Phil Okwedy, yn eich annog i archwilio cyd-destun eich dweud, sydd weithiau’n broblemus ac yn hen ffasiwn, tra hefyd yn cynnig ymarferion a strategaethau i’ch helpu i ddatblygu fersiwn o stori sy’n berthnasol i heddiw, ac yn taro tant gyda chynulleidfaoedd cyfoes.
Bydd y tiwtoriaid yn meithrin awyrgylch gefnogol drwy gydol y cwrs, a hynny drwy gyfuniad o sesiynau un-i-un, gwaith grŵp a noson yn nhŷ crwn unigryw a hudolus Felin Uchaf, ger Aberdaron. Erbyn diwedd y cwrs, byddwch wedi ennill dealltwriaeth ddyfnach o’n chwedlau traddodiadol a’u perthnasedd cyfoes ac wedi datblygu eich sgiliau a’ch hyder fel storïwr perfformio. Gofynnir i gyfranogwyr anfon stori draddodiadol fer yr hoffent ei harchwilio ymlaen llaw.
Mae’r cwrs hwn yn croesawu unigolion sydd â pheth profiad o berfformio straeon traddodiadol yn fyw, naill ai i blant neu oedolion.
Os oes gennych unrhyw gwestiynau am gynnwys neu addasrwydd y cwrs, mae croeso i chi gysylltu ag aelod o dîm Tŷ Newydd naill ai ar tynewydd@llenyddiaethcymru.org neu ar 01766 522 811.
Tiwtoriaid
Daniel Morden
Phil Okwedy
Ac yntau wedi’i eni yng Nghaerdydd i fam o Gymru a thad o Nigeria, mae Phil Okwedy yn berfformiwr sy’n adrodd straeon ac yn creu chwedlau, gan seilio hynny ar ei dreftadaeth ddeuol a diwylliannau amrywiol. Mae’n perfformio’n rheolaidd mewn clybiau adrodd straeon, ac mae wedi ymddangos yn Beyond the Border a Gŵyl Adrodd Straeon Aberystwyth, ynghyd â Gŵyl Kea yng Ngwlad Groeg a Gŵyl Fabula yn Sweden. Yn 2018, cyhoeddodd ei lyfr cyntaf, sef Wil & the Welsh Black Cattle (Gomer, 2018). Ynddo mae’n adrodd cyfres o straeon gwerin wedi’u seilio ar fytholeg yr hen borthmyn. Yn 2021, enillodd le ar raglen Cynrychioli Cymru Llenyddiaeth Cymru, rhaglen ddatblygu awduron, ac yn ystod 2022-23 fe fu’n teithio ei sioe chwedleua, The Gods Are All Here, o amgylch Cymru, gan blethu chwedlau, a’i stori bersonol ei hun, a daniwyd gan ddarganfyddiad cyfres o lythyrau a ysgrifennwyd gan ei dad yn Nigeria i’w fam yng Nghymru.