logo-ty-newydd

Cofrestrwch ar gyfer ein Cylchlythyr

English
  • Amdanom ni
    • Tŷ Newydd
    • Y Tŷ
    • Llanystumdwy a’r Ardal leol
  • Ein Cyrsiau
    • Cyrsiau ac Encilion
    • Mathau o Gyrsiau
    • Beth i’w ddisgwyl
    • Cymorth Ariannol
    • Ysgolion
  • Encil Awduron Nant
    • Cwestiynau Cyffredin
  • Gwneud Gwahaniaeth
    • Prosiectau
    • Tystlythyrau
    • Straeon Llwyddiant
  • Blog
  • Cysylltu
  • Llenyddiaeth Cymru
  • Amdanom ni
    • Tŷ Newydd
      • Tîm Tŷ Newydd
      • Oriel
      • Cwestiynau Cyffredin
      • Dewch o hyd i ni
    • Y Tŷ
      • Hanes
      • Llety
        • Opsiynau Llety
      • Hygyrchedd
      • Llogi Tŷ Newydd
    • Llanystumdwy a’r Ardal leol
      • David Lloyd George
  • Ein Cyrsiau
    • Cyrsiau ac Encilion
    • Mathau o Gyrsiau
    • Beth i’w ddisgwyl
    • Cymorth Ariannol
    • Ysgolion
  • Encil Awduron Nant
    • Cwestiynau Cyffredin
  • Gwneud Gwahaniaeth
    • Prosiectau
    • Tystlythyrau
    • Straeon Llwyddiant
  • Blog
  • Cysylltu
  • Llenyddiaeth Cymru

Prosiectau

O Dŷ Newydd, caiff sawl un o brosiectau Llenyddiaeth Cymru sy’n cyflwyno llenyddiaeth i grwpiau a chymunedau yng Ngwynedd a gogledd Cymru yn ehangach eu gweinyddu. Dyma gasgliad o brosiectau 2016-17.

 

Prosiect Iechyd a Lles: Barddoniaeth a Dementia  

Fel rhan o gynllun Llenyddiaeth er Iechyd a Lles a ariennir gan Gyngor Gwynedd, trefnodd Llenyddiaeth Cymru fod y bardd, awdur a’r cyflwynydd Gwion Hallam yn ymweld â chartref gofal Seiont Newydd yng Nghaernarfon. Bu Gwion yn treulio amser gyda’r preswylwyr, sydd â dementia, dros gyfnod o chwe wythnos. Crëwyd sawl cerdd o eiriau ac atgofion y preswylwyr. Braf oedd gweld Gwion yn ennill Coron Eisteddfod Genedlaethol Môn eleni gyda cherdd wedi ei ysbrydoli gan y gweithdai hyn.

Am ragor o wybodaeth am y prosiect hwn, cliciwch yma.

Prosiect Iechyd a Lles: Ysgol Hafod Lon

Fel rhan o gynllun Llenyddiaeth er Iechyd a Lles a ariennir gan Gyngor Gwynedd, trefnodd Llenyddiaeth Cymru fod Bardd Plant Cymru, Anni Llŷn, yn mynd draw i gynnal gweithdai yn Ysgol Hafod Lon, Penrhyndeudraeth dros gyfnod o chwe wythnos. Bu naw person ifanc a thri aelod o staff yn cymryd rhan yn y prosiect cyffrous hwn yn ystod Tachwedd a Rhagfyr 2016. Bu’r disgyblion yn ysgrifennu barddoniaeth ar y thema ‘Fi fy hun’ gan archwilio eu teimladau ac emosiynau gydag Anni a chael hwyl dda iawn ar greu llu o gerddi gwahanol. Bu Morfudd Hughes, sy’n ymarferydd symud a llais yn cydweithio gydag Anni ar y prosiect a bu’r ddwy yn gweithio ar ddatblygu sgiliau’r bobl ifanc drwy gyfrwng gemau syml a gwisgo wigiau a dillad gwahanol er mwyn chwarae rôl. Daeth criw o’r bobl ifainc draw i Dŷ Newydd ar ddiwedd y cwrs i gael te parti yng nghwmni neb llai na Dewi Pws fu’n eu diddanu gyda caneuon, cerddi a jôcs.

Am ragor o wybodaeth am y prosiect hwn, cliciwch yma.

Prosiect Iechyd a Lles: Cartref Pwyliaid Penrhos

Fel rhan o gynllun Llenyddiaeth er Iechyd a Lles a ariennir gan Gyngor Gwynedd, trefnodd Llenyddiaeth Cymru fod y bardd ifanc Siôn Pennar yn cynnal gweithdai barddoniaeth gyda thrigolion Cartref Pwyliaid Penrhos ger Pwllheli. Cynhaliwyd cyfres o chwe gweithdy dros gyfnod o dri mis yn gynnar yn 2017. Criw bychan a dedwydd ddaeth ynghyd, gyda’r mwyafrif ohonynt wedi symud o Wlad Pwyl i fyw i Benrhos. Gan fod Siôn Pennar yn medru’r Bwyleg roedd y tair iaith; Saesneg, Cymraeg a Phwyleg yn cael eu defnyddio fel rhan o’r gwaith.

Am ragor o wybodaeth am y prosiect hwn, cliciwch yma.

Prosiect Cadwyn Heddwch

Yn ystod blwyddyn academaidd 2016-17 bu Llenyddiaeth Cymru yn cynnal prosiect Cadwyn Heddwch gyda 21 o ysgolion cynradd yng Ngwynedd. I gynal y prosiect hwn, derbyniwyd grant hael gan Gronfa Dreftadaeth y Loteri fel rhan o gynllun cofio’r Rhyfel Byd Cyntaf. Yng nghwmni’r awduron nodedig Gwion Hallam, Sian Northey a Manon Steffan Ros, bu’r disgyblion yn ymchwilio’n fanwl i hanes unigolion lleol a chwaraeodd ran yn nhreftadaeth y Rhyfel Byd Cyntaf. Bu gwaith y disgyblion i’w weld mewn arddangosfa yn Eisteddfod Genedlaethol Môn.

Am ragor o wybodaeth am y prosiect, cliciwch yma.

Sgwad Sgwennu Gwynedd a Môn

Mae Sgwadiau Sgwennu Gwynedd a Môn yn cynnig cyfleoedd amhrisiadwy i ddisgyblion ysgol gynradd ac ysgol uwchradd gael gweithdai a chymorth gan awduron profiadol. Mae rhai o aelodau’r gorffennol wedi mynd ymlaen i ennill cadeiriau, coronau a gwobrau llenyddol di-ri. Cynhelir tair Sgwad ‘Sgwennu yn y naill sir yn ystod blwyddyn academaidd. Mae awdur profiadol yn ymweld â’r criw er mwyn cynnal ymarferion a gweithgareddau a gosod tasgau creadigol. Dros y ddegawd ddiwethaf mae dros 63 o awduron wedi arwain Sgwad Sgwennu yng Ngwynedd a Môn.

Am ragor o wybodaeth am Sgwad Sgwennu Gwynedd a Môn, cliciwch yma.

Prosiect Tyfu’n Wyllt

Derbyniodd Llenyddiaeth Cymru grant gan gynllun Grow Wild/Tyfu’n Wyllt i drawsnewid rhan o ardd Tŷ Newydd. Rhaglen pedair blynedd ydi Tyfu’n Wyllt er mwyn annog pobl i hau blodau gwyllt brodorol yn eu gerddi. Mae’r prosiect ariannu yn cael ei arwain gan Erddi Botaneg Brenhinol Kew a’i gefnogi gan y Gronfa Loteri Fawr. Un bore Llun ym mis Mai, daeth criw brwdfrydig o bobl ifanc GISDA draw i dorchi llewys yn yr ardd er mwyn creu llecyn tawel i fyfyrio, ysgrifennu neu ymlacio, wedi ei hysbrydoli gan gysyniad ‘gardd zen.’ Er mwyn i bawb gael eistedd i lawr a chymryd hoe o’r gwaith corfforol, cafwyd gweithdy ysgrifennu geiriau caneuon yng nghwmni’r cerddor Iwan Huws o’r band Cowbois Rhos Botwnnog.

Am ragor o wybodaeth am brosiect Grow Wild, cliciwch yma.

Grŵp Darllen

Dros fisoedd yr Hydref a Thachwedd pob blwyddyn, daw grŵp o ddarllenwyr at ei gilydd yn Nhŷ Newydd ar gyfer cyfres o chwech o glybiau darllen yn y Lolfa Lên. Mae bod yn aelod o glwb darllen yn cynnig pethau gwahanol i’r darllenydd, yn gyfle i holi cwestiynau, dod o hyd i atebion, dadlau, cytuno, archwilio a chael paned. Ond mae bod yn aelod o glwb darllen Aled Jones Williams yn brofiad unigryw yn ei hun. Nod y clwb arbennig hwn yw creu cymuned o ddarllenwyr, pobl sy’n fodlon rhannu profiadau eu bywydau, boed felys neu chwerw, wrth ddarllen y testun.

Am ragor o wybodaeth am y grŵp darllen, cliciwch yma.

Gŵyl Gwanwyn

Derbyniodd Llenyddiaeth Cymru arian grant gan Ŵyl Gwanwyn ym mis Mai 2017 er mwyn trefnu digwyddiadau penodol i ddathlu creadigrwydd ymysg pobl hŷn. Gyda’r arian grant, trefnwyd taith arbennig ar y trên bach o amgylch Llyn Padarn gyda’r bardd a’r newyddiadurwr Karen Owen. Yn ystod y daith roedd Karen yn adrodd straeon am rai o gewri llenyddol Eryri. Yn dilyn y daith, trefnwyd gweithdy ysgrifennu chwedlau gyda’r awdur Meinir Pierce-Jones ym Mhorthmadog.

Am ragor o wybodaeth am Ŵyl Gwanwyn, cliciwch yma.

Prosiect AHNE

Derbyniodd Llenyddiaeth Cymru arian gan Gronfa AHNE Llŷn i gynnal gweithdai a digwyddiadau o fewn ardal y warchodfa. Ardal o Harddwch Naturiol Eithriadol yw AHNE ac mae’r uned yn Llŷn wedi bod yn gweithio ar brosiectau er mwyn helpu i gynnal hunaniaeth unigryw yr ardal, o adfywio cerrig milltir ac arwyddion yr ardal i gynnal gwaith cynnal a chadw ar ffynhonnau’r ardal, ers blynyddoedd. Trefnodd Llenyddiaeth Cymru bum digwyddiad: gweithdai mewn dwy ysgol leol gyda’r cyfarwydd Mair Tomos Ifans a’r artist Luned Rhys Parri, dwy daith Bardd Mewn Bws ar hyd yr arfordir a Phybcrôl Llenyddol o amgylch tref Pwllheli gyda Twm Morys a Gwyneth Glyn.

Am ragor o wybodaeth am brosiect AHNE, cliciwch yma.

Ymweliad Preswylwyr Penrhos

Ym mis Mai 2016 daeth criw o wyth o breswylwyr Cartref Pwyliaid Penrhos ger Pwllheli am dro i Ganolfan Ysgrifennu Tŷ Newydd yn Llanystumdwy. Roeddent rhwng 70 ac 80 mlwydd oed a’r rhan fwyaf ohonynt wedi dod o Wlad Pwyl i fyw ym Mhenrhos. Hyfryd oedd clywed y tair iaith; Saesneg, Cymraeg a Phwyleg, yn cael ei siarad yn ystod y dydd. Cafwyd cyfle i fynd am dro gyda Bethan Wyn Jones o gwmpas yr ardal a chyfle i ysgrifennu gyda’r bardd Fiona Owen.

Am ragor o wybodaeth am yr ymweliad, cliciwch yma.

Dewislen

  • Prosiectau
  • Tystlythyrau
  • Straeon Llwyddiant

Ein Cyrsiau

Defnyddio Lle fel Ysbrydoliaeth
Sul 19 Chwefror 2023
Tiwtoriaid / Siôn Aled, Sian Northey
Gweld Manylion
Ysgrifennu ar gyfer Plant a Phobl Ifanc
Sad 4 Mawrth 2023
Tiwtor / Bethan Gwanas
Gweld Manylion
Encil Yoga y Gwanwyn


Wedi gwerthu i gyd

Tiwtor / Richard Fowler
Gweld Manylion

logo-literature-wales

logo-ty-newydd

icon-social-facebook  icon-social-twitter  icon-social-instagram  icon-social-flickr

icon-social-facebook  icon-social-twitter  icon-social-instagram  icon-social-flickr

© Llenyddiaeth Cymru
  • Fy Nghyfrif
  • Telerau ac Amodau Archebu
  • Telerau ac Amodau Llenyddiaeth Cymru
  • Hysbysiad Preifatrwydd GDPR
  • Polisi Cwcis
  • Crëwyd gan Creo
  • Llenyddiaeth Cymru
Tŷ Newydd, Llanystumdwy, Cricieth, Gwynedd, LL52 0LW. 01766 522 811 / tynewydd@llenyddiaethcymru.org

gov-logo

arts-logo