Cyrsiau Digidol Tŷ Newydd: Sut maent yn gweithio?
Bydd ein cyrsiau digidol newydd yn rhoi cyfle i awduron yng Nghymru a thu hwnt gymryd rhan ar un o gyrsiau ysgrifennu creadigol enwocaf Tŷ Newydd o’ch cartrefi clyd. Wedi’u lansio yn ystod y cyfnod clo yn 2020, mae’r cyrsiau digidol yn gyfle i awduron na all deithio i Dŷ Newydd gael eu harwain gan awduron enwog mewn ffurf sy’n adlewyrchu cwrs preswyl go-iawn.
Cyflwynir y gweithdai hyn ar y platfform fideo, Zoom. Bydd angen i chi gael mynediad da i’r rhyngrwyd er mwyn cymryd rhan yn y cwrs hwn, ac rydym yn eich cynghori i roi cynnig ar Zoom cyn archebu lle ar y cwrs er mwyn sicrhau bod popeth yn gweithio.
Byddwn yn derbyn hyd at 10 unigolyn ar ein cyrsiau er mwyn sicrhau bod pawb yn derbyn digon o sylw yn ogystal ag adborth ungiol.
Bydd pob cwrs yn wahanol, a byddwch yn derbyn amserlen fanwl i’ch arwain drwy’r wythnos. Fodd bynnag, bydd mwyafrif y cyrsiau’n dilyn amserlen cyffelyb i’r isod:
Dydd Llun
3.00 pm – 4.30 pm: Sesiwn ragarweiniol a’r awduron i osod tasg ysgrifennu.
Gyda’r nos: Amser rhydd i weithio ar eich tasg ysgrifennu
Dydd Mawrth
10.00 am – 12.30 pm (gyda thoriad i gael paned yn y canol): Gweithdy
2.00 pm – 5.00 pm: Y tiwtoriaid i gynnal sgyrsiau un-i-un gyda’r awduron. Darperir amserlen ar ddechrau’r cwrs.
8.00pm – 9.00pm – Darlleniad gan y tiwtoriaid ar eu gwaith eu hunain, gyda sesiwn cwestiwn ac ateb i ddilyn.
Dydd Mercher
10.00 am – 12.30 pm (gyda thoriad i gael paned yn y canol): Gweithdy
2.00 pm – 5.00 pm: Y tiwtoriaid i barhau i gynnal sgyrsiau un-i-un.
8.00 pm – 9.00 pm – Darlleniad gan ddarllenydd gwadd gyda sesiwn cwestiwn ac ateb i ddilyn.
Dydd Iau
10.00 am – 11.00 pm – Gweithdy gydag un tiwtor
11.30 am – 12.30 pm – Gweithdy gyda’r tiwtor arall
2.00 pm – 5.00 pm – Y tiwtoriaid i barhau i gynnal sesiynau un-i-un.
Gyda’r nos: Amser rhydd i ysgrifennu / ymlacio
Dydd Gwener
10.00 am – 11.30 am – Trafodaeth grŵp gyda’r tiwtoriaid am y grefft o ysgrifennu, y diwydiant a’r gweithdai.
2.00 pm – 5.00 pm – Y tiwtoriaid i barhau i gynnal sesiynau un-i-un.
8.00 pm – 9.30 pm – Dathliad fel grŵp a darlleniadau o’r gwaith a ysgrifennwyd yn ystod yr wythnos.
Gweithgareddau Ychwanegol
Yn ystod y prynhawn, bydd blwch sgwrsio Zoom – neu Lyfrgell rhithiol Tŷ Newydd yn agored i chi sgwrsio gyda’ch cyd-awduron. Bydd aelod o staff Llenyddiaeth Cymru yn bresennol am amser pendodedig i ateb unrhyw gwestiynau sydd gennych am ein cyfleoedd i awduron.
Mae’n debyg bod rhai o gyn-fynychwyr cyrsiau Tŷ Newydd yn cofio bwyd bendigedig ein cogydd preswyl, Tony. Mae rhai o’i ryseitiau ar gael ar ein blog, beth amdani – i chi gael blas go-iawn o Dŷ Newydd?