Telerau ac Amodau Archebu

Telerau ac Amodau Archebu

Mae’r holl amodau a’r telerau hyn yn ddilys i bob archeb a wneir arlein, dros y ffôn neu wyneb yn wyneb.

Ffioedd

  • Mae blaendal o £100 yn ddyledus ar gyfer pob archeb i gadw eich lle, heblaw y nodir yn gwahanol ar ddisgrifiad y cwrs, e.e. Cwrs Undydd (lle mae’r ffi llawn yn ddyledus). Nid ydym yn ad-dalu nac yn trosglwyddo blaendal i gyrsiau eraill.
  • Mae’r balans llawn yn ddyledus 6 wythnos cyn diwrnod cyntaf y cwrs. Os ydych yn ansicr sut i dalu eich balans, plîs cysylltwch â Thŷ Newydd. Pe bydd y taliad balans yn hwyr, mae Llenyddiaeth Cymru yn cadw’r hawl i gadw eich blaendal a chanslo eich archeb.
  • Os ydych yn canslo eich lle llai ‘na 6 wythnos cyn cychwyn y cwrs, bydd y balans ond yn cael ei ddychwelyd i chi (minws y blaendal) pe byddai’r cwrs yn llawn dop, a’ch lle felly yn cael ei lenwi.
  • Mewn achosion arbennig, mae Llenyddiaeth Cymru yn fodlon derbyn taliad am gwrs mewn rhandaliadau. Bydd rhaid gwneud cais i dalu am gwrs mewn rhandaliadau wrth archebu, a cyfrifoldeb y cwsmer yw i greu archeb sefydlog i gydymffurfio â’r cytundeb sydd wedi ei wneud am y taliad â Llenyddiaeth Cymru. Rhaid i bob cais am Ysgoloriaeth gael ei wneud cyn archebu lle ar gwrs. Gallwch ddod o hyd i fwy o wybodaeth am Ysgoloriaethau ar wefan Tŷ Newydd.
  • Mae Llenyddiaeth Cymru yn cadw’r hawl i ganslo cwrs hyd at bythefnos cyn y dyddiad cychwyn. Mewn achosion prin o’r fath, bydd ad-daliad llawn yn cael ei wneud i chi. Ni fydd Llenyddiaeth Cymru yn cyfrannu at unrhyw gostau teithio sydd wedi eu colli o ganlyniad i ganslo cwrs.
  • Rydym yn awgrymu yn gryf y dylai bob cwsmer drefnu yswiriant personol i ofalu am ddigwyddiadau annisgwyl a all olygu fod cwsmer yn colli ffi neu arian. Eich cyfrifoldeb chi yw sicrhau fod yr yswiriant a brynir yn addas i’r pwrpas. 

Y Cyrsiau

  • Caiff amlinelliad o gynnwys y cwrs, a bywgraffiadau’r tiwtoriaid, eu darparu ar wefan Tŷ Newydd. Os am fwy o wybodaeth am y cwrs, gallwch gysylltu â Thŷ Newydd, ac rydym yn annog sgwrs ynglŷn â pha gwrs sy’n addas i unigolion gwahanol. Cyfrifoldeb y cyfranogwr yw penderfynu pa gwrs sy’n addas ar eu cyfer hwy. Ni fydd Llenyddiaeth Cymru yn ad-dalu unrhyw ffioedd os fydd cyfranogwr yn penderfynu gadael cwrs, neu os yw cyfranogwr yn anhapus gyda cynnwys y cwrs.
  • Mewn achosion prin lle fydd tiwtor yn canslo, mae Llenyddiaeth Cymru yn cadw’r hawl i wneud newid addas i’r rhaglen. Bydd unrhyw newid yn cael ei gyfathrebu i’r cyfranogwyr. Ni fydd newid tiwtor yn reswm dilys dros roi ad-daliad i gyfranogwr.

 

Ymddygiad

  • Mae Llenyddiaeth Cymru yn cadw’r hawl i ofyn i gyfranogwr adael Tŷ Newydd os yw yn ymddwyn yn anaddas. Mae hyn yn cynnwys bod dan ddylanwad cyffuriau, neu ddylanwad afresymol alcohol. Bydd unrhyw gyfranogwr sy’n ymddwyn yn ymosodol, diraddiol neu aflonyddgar tuag at staff Llenyddiaeth Cymru, cyd-gyfranogwyr neu’r tiwtoriaid yn wynebu cael eu gyrru o Dŷ Newydd heb ad-daliad.

 

Iechyd a Diogelwch

  • Cyfrifoldeb y cyfranogwr yw cyrraedd Tŷ Newydd ar noson gyntaf y cwrs mewn pryd ar gyfer y swper cyflwyniadol, lle bydd aelod o staff Llenyddiaeth Cymru yn rhoi sgwrs am iechyd a diogelwch, yn cynnwys y drefn ymateb i dân. Os yw’r cyfranogwr yn methu’r sgwrs hon gan eu bod yn hwyr, mae’n rhaid iddi/iddo ofyn i aelod o staff am y drefn iechyd a diogelwch.
  • Rydym yn darparu ar gyfer anghenion diet arbennig. Cyfrifoldeb y cyfranogwr yw i roi gwybod i Llenyddiaeth Cymru am unrhyw alergedd bwyd, alergedd cyffredinol, neu anghenion diet cyn eu ymweliad.

 

Llety

Caiff stafelloedd eu pennu i gyfranogwyr gan y staff. Ni allwn dderbyn ceisiadau am ystafelloedd penodol, heblaw wrth gwrs am yr ystafell hygyrch i’r rhai sydd ei hangen. Gan fod hwn yn adeilad rhestredig Gradd II* rydym yn adolygu’r opsiynau gorau ar sut i wella ein cyfleusterau yn gyson, gan gymryd i ystyriaeth treftadaeth a hanes pensaernïol yr adeilad. Ni fyddwn yn ad-dalu unrhyw ffioedd os nad yw cyfranogwr yn hapus â’i ystafell.

 

Gwarchod Plant ac Oedolion Bregus

  • Caiff Polisi Gwarchod Plant ac Oedolion Bregus Llenyddiaeth Cymru ei weithredu yn Nhŷ Newydd. Gallwch ddarllen y polisi o wneud cais amdano. Mae Llenyddiaeth Cymru yn ymroddgar i warchod lles plant ac oedolion bregus wrth iddynt gymryd rhan ym mhob un o’u gweithgareddau.
  • Os bydd digwyddiad yn ymwneud â phlant, pobl ifainc neu oedolion bregus yn eich pryderu yn ystod eich cyfnod yn Nhŷ Newydd, rhowch wybod i’r Pennaeth ar unwaith.
  • Derbynnir unigolion dros 16 ar gyrsiau yn Nhŷ Newydd, gyda llythyr gan riant neu warchodwr. Ni fydd unigolion 16 a 17 oed yn cael eu rhoi mewn ystafell i rannu. Nid yw Llenyddiaeth Cymru yn cymryd cyfrifoldeb in loco parentis am unrhyw unigolyn 16 a 17 oed.


Preifatrwydd a data

  • Mae eich manylion personol, yn cynnwys enw llawn, cyfeiriad post, rhif ffôn, cyfeiriad ebost, ac anghenion diet yn cael ei gadw gan Llenyddiaeth Cymru.
  • Nid oes unrhyw fanylion cardiau banc yn cael ei gadw gennym.
  • Mae eich holl fanylion personol yn ddiogel, ni chaiff dim ei rannu â thrydydd person, a caiff popeth ei gadw ar systemau electronig diogel.


Colled

  • Nid yw Llenyddiaeth Cymru yn derbyn unrhyw gyfrifoldeb am golled o, neu niwed i eiddo cyfranogwyr, na niwed i’r cyfranogwyr eu hunain yn ystod eu arhosiad yn Nhŷ Newydd.

Cwynion

  • Mae ffurflenni adborth a blwch sylwadau yn Nhŷ Newydd.
  • Dylid cyfeirio unrhyw gwynion difrifol am Dŷ Newydd unai ar lafar i Bennaeth Tŷ Newydd drwy apwyntiad yn ystod yr wythnos, neu fel arall drwy gysylltu â Llenyddiaeth Cymru.